начало

[конец] [на главную]


 
 

Валдо ойме, лембе седей…

 

(лецтнема чокшнень теевксэсь, кона  алтазь эрзянь поэтэнтень

А. В. Араповнень(1959-2011)

 

Оформлениясь:

А. В. Араповонь  портретэзэ;

книгань невтевксэсь:«Эрзянь валдо теште»;

презентациясь: «Эряви эрямс! Эрямс ды эрявомс. Тонанень, сенень… Васняяк – эстеть…»

 

Действующей лицятне :

Ветицятне (1), (2)

Ловныцятне (1), (2)

 

Выставкань схема-планось

 

Лемезэ: «Эрзянь валдо теште»

 

Iпельксэсь :«Эсень мастором лангсо эрзянь кельсэ, мон моран морот сорныця вайгельсэ…»

 

(А. В. Араповонь произведениянзохудожественной литературасо эрзянь ды рузонь кельсэ)

 

цитатась: «Эрзянь масторсо телетне –

 рузонь,

 моротне –

рузонь

сёрматне –

рузокс,

  Ансяк лайшемась эсенек»

А. Арапов

 

Вайгель: стихть.- Саранск: Мордовской книжной издательствась, 1990.- 80с.

Вальма: стихть.- Саранск: Мордовской книжной издательствась, 1992.- 64с.

Взмах: стихи. - Саранск: Мордов. кн. изд-во, 2001. - 112 с.

Мейле: стихть.- Саранск: Мордовской книжной издательствась, 2006.- 264 с.

Жест: стихи.- Саранск: Книга, 2010.- 256 с.

 

IIпельксэсь : «Зярдо келемтят кедеть ломантненень, тон лездат тенст кедезэть чавомс эскть…»

 

(А. В. Араповонь периодической изданиясо ды коллективной сборниксэ публикациятне)

 

цитатась: «Ули «Часия» станциясь – кеминь.

А стяко вешнинь, капшинь сонзэ пелев.

Ды абунгадынь мон, зярдо валгинь –

Икелень аштесь… эсень эрзянь велем.

А. Арапов

Эрзянь кельсэ

«Шожда, теке валнэ, ашо пельне уи»…: Чевте таркинесэ…; Седейде моро; Кельме теште; Мазый теште…; Пегакснить галат! Пегакснить галат!... [и др.]: стихть // Cятко.- 2005.- № 7/8.- С. 122-140.

«Эрзянь ойметнень ёнов седей чиртян…»: Валтнэ ёзавсть ды човсевсть…; Аштят веле песэ, теке нецяй…; Кода понгсь менеленть черькстни…; Верень потиця…; Монь сэтьме вайгелем…[и др.]: стихть // Сятко.- 2007.- № 10.- С. 22-27.

«Ды муят вийть те эрямонть вечкемс…»: «Налдамизь!» - вешсть…; «Зярдо келемтян кедеть…»; Чеки, крёстни конянзо…; Ломанть вастат…; Киртят сэреть… [и др.]: стихть // Сятко.- 2008.- № 9.- С. 60-69.

«Седяк, гитарам! Вейсэтяно минь! …»: стихть // Сятко.-2008.- № 2.- С. 42-49.

«Афганистансто ардыть цёратне…»: Велявтоми; «Кепедевсь взводось минек…»; «Авазо, цёрат вастт!…»: [стихть] // Сятко.- 2011.- № 2.- № 2.- С. 58-60.

«Кандтнинь  кемема потсон салавине…»: «Одксчись певтеме марявсь…»; «Пиже зорят минь стякшнынек…»; «Нусманя сёксень морось, валдо…»; «Менелесь стака, потмура, прок кольсь…!»; «Кодамо тарьксэв сёксень чись!…» [и др.]: стихть // Сятко.- 2012.- № 11.- С. 19-23.

***

Рузонь кельсэ

Господи, все нам зачтется; Я не знаю еще, как живу; И в тридцать в облаках витать; И щека прикоснется к щеке; И поставит пуля точку: стихи // Восхождение: лит.- худож. сб. / сост.: В. С. Ионова, Н. М. Мирская.- Саранск, 1993.- С. 83-86.

Птица: стихи // Странник.-1996.- №1.- С. 129-131.

Не вернулся Иван; Игры судьбы; Образ сберегу; Мое счастье; Человеческая осень: стихи / пер. с мордов.- эрзя  И. Деордиева  // От Урала до Невы: сборник.- Челябинск, 2001.- С.460 - 461.

«Летит судьба уже без страха…»: стихи // Странник.- 2004.- № 2.- С.236- 241.

Сокол в клетке: стихотворения // Корни: лит.- худож. альм. / ред.- сост. В. А. Федосеев.- Саранск, 2007.- С. 36-41.

Я пою как живу…: [стихи] // Странник.- 2011.- № 6.- С. 83-91.

***

Публицистика

 «Эрьмезень» сёрмадыцянтень сюконямо // Сятко.-1994.- №10/11.- С.11.

 «Оймем ваксс сельведне петни…»: Евгений Иванович Агеевень чачома чистэнзе 80 иетненень // Сятко.-2002.- № 1.- С. 94-102.

Ниле портретт: зарисовкат // Сятко.- 2007.- №9.- С.108-137.- Содержаниясонть: «Оймем ваксс сельведне петни…»: [Е. Агеев поэтэнть эйстэ]; Стувтозь вайгель: [М. И. Грызунов писателенть эйстэ]; Кодамо танстезе менеленть?…: [П. Ф. Горбунов художникенть эйстэ]; Тешкс- тешкскине-таташкине…: [Россиянь художникень союзонь членэть Н. И. Мастинэнь эйстэ].

«Симан домка лисьмапрясто…»: очерк: А. С. Кизяевде // Сятко.- 2007.- № 8.- С. 112-124.

«Оймем ваксс сельведне петни…»: Евгений Иванович Агеевень чачома чистэнзе 90 иетненень // Сятко.-2012.- № 1.- С. 71-76.

 

***

IIIпельксэсь : «Поэтэнть эряви ансяк ловномс. Судиясь сонензэ – сонсь ды Пазось…»

 

(А. В. Араповонь эрямодонзо  ды шкинемадонзо литературась)

 

цитатась: «Сонзэ шождаль валозо. Стихензэяк саевить мельс. Алкуксонь поэзиясь чарькодеви весенень, эрьвась мери – те мондень»

В. Лобанов

 

Брыжинский, А. И. Арапов Александр Васильевич (1959) / А. И. Брыжинский, О. В. Пашутина, Е. И.Чернов // Брыжинский, А. И. Писатели Мордовии: библиогр. справ. / А. И. Брыжинский, О. В. Пашутина, Е. И. Чернов.- Саранск, 2001.- С. 72-74.

Снег в России грустный-грустный…: [интервью с поэтом, лауреатом «Литературной России» за 2000-й год / записала Т. Кириченко]  // Изв. Мордовии.-2001.- 17 янв.

Демин, В. Убедительный взмах // Мордовия – 7 дней.- 2002.- 16-22 янв.(№ 3).- С. 10.

Демин, В. И. Взмах поэтических крыльев  // Лит. Россия.- 2002.- 1 февр.- С. 6.

Каторова, А.  Поэзиясь [А. Араповонь, В. Федосеевонь, В. Юдинать, Ф. Костяйкинонь, Л. Дергачевать поэзияснон колга] // Мокша. - 2002. - № 2/3. - С. 117-125.

Преснякова, Л. «Нам ничего на свете не простится…» // Изв. Мордовии.- 2002.- 24 янв.

Дёмин, В. «Мон моран морот сорныця вайгельсэ…» // Сятко.- 2003.- № 4.- С. 92-120.

Зиновьев, Н. В. Арапов Александр Васильевич // Мордовия: энциклопедия: в 2 т.- Саранск, 2003.- Т. 1.- С. 125.

То же // Мордовиясь: энциклопедия: кафта томса.- Саранск, 2007.- 1-це томсь.- С. 104.

То же // Мордовиясь: энциклопедия: кавто томсо.- Саранск, 2007.- 1-це томось.- С. 104.

Зиновьев, Н. Поэзиянь валдо вальма…: очерк // Эрзянь правда.-2003.- 20 февр.

Каторова, А. М. Художественное своеобразие лирики Александра Арапова // Филологические иссследования. 2002: межвуз. сб. науч. тр. по актуал. проблемам литературоведения и языкознания / МГУ им. Н. П. Огарева; отв. ред. О. Е. Осовский.- Саранск, 2003.- С. 34-38.

Смородин, К. В Мордовии зимы - русские // Лит. Россия.- 2003.- 21 февр.(№7).- С. 6.

То же // Странник.-2011.- № 6.- С. 92-97.

Смородин, К. «Со своею душою согласный…» // Мордовия.- 7 дней.- 2003.- 5-11 февр. (№ 6).- С. 13.

Арапов Александр Васильевич (1959) // Писатели Мордовии: биогр. справ. / сост.: Е. М. Голубчик, Т. С. Баргова.- Саранск, 2004.- С. 29-30.

 *Жиндеева, Е. А. Традиции  Ф. И. Тютчева в творчестве современного мордовского поэта А. Арапова // Актуальные проблемы межкультурных и межязыковых контактов: материалы науч.- практ. конф., посвящ. 90-летию со дня рождения проф. Н. Т. Пенгитова (Йошкар - Ола) / МГПИ им. Н. К. Крупской;  сост. и отв. ред.  А. Н. Куклин. - Йошкар - Ола, 2004.- С.115-117.

  Каторова, А. Коень поладома: Борис Пастернаконь «Гамлет» ды Александр Араповонь «Роль» стихотворениятнень малавиксчист ды явовомаст // Сятко.- 2004.- № 6.- С. 98-103.

  Шугуров, Н. Стихензэ гайгить Россиянь поэттнэнь ютксо // Эрзянь правда.- 2004.- 1 апр.

Дёмин, В. И.  «Мон моран морот сорныця вайгельсэ…» // Дёмин, В. И. Сюконян тенк…: эрзянь писательде ёвтнемат.- Саранск, 2005.- С. 160-180.

Теке жо // Демин, В. Сёрмадан эйстэнк, тиринь ломанть вечкезь… .- Саранск, 2010.- С. 4-32.

  Нам не простят наивной простоты: [беседа с поэтом / записал В. В. Огрызко] // Лит. Россия.- 2005.- 23 сент.(№ 38).- С.16.

Баргова, Т. Паро, ули истямо поэт… // Арапов, А. Мейле: стихть.- Саранск, 2006.- С. 5-6.

Теке жо // Сятко.- 2007.- № 4.- С. 117-118.

Доронин, А. Два поэта - два восприятия?: [об А. Арапове и В. Федосееве] / А. Доронин, Я. Лаутеншлегер // Отчий дом: лит.- худож. алм. / ред.- сост. В. А. Федосеев.- Саранск, 2006.- С. 224-235.

Каторова,  А. Ладси стихть поэтэсь...: А. Араповонь лирикадонть од вал // Сятко.- 2006.- № 6.- С. 104-109.

Каторова, А. М. Строфический репертуар лирики А. Арапова: некоторые наблюдения // Бочкаревские чтения : материалы XXX зон. конф. молодых литературоведов Поволжья (6-8 апр. 2006 г.).- Самара, 2006.- Т. 1.- С. 273-283.

Дёмкина, Э. Традиции Сергея Есенина в творчестве Александра Арапова // Корни: лит.- худож. альм.- Саранск, 2007.- С. 287-292.

Баргова, Т. С. Литература на разных языках и авторы // Баргова Т. С. Книжный мир Мордовии.- Саранск, 2008.- С. 152-169.

С. 164-169: о творчестве  А. Арапова.

Дёмкина, Э. Коень поладома: С. Есенинэнь ды А. Араповонь лирикаст малавиксчись // Сятко.- 2008.- № 4.- С. 93-105.

Каторова, А. «Ашо» стихсэ мон сёрмадан…: эрзянь поэзиясо верлибрась // Сятко.- 2008.- № 7.- С. 92-95.

Каторова, А. Кавто поэтэнь кавто стихть: мезес тонавты ванкшномаст  / А. Каторова, М. Панькина // Сятко.- 2008.- № 2.- С. 91-95.

А. В. Араповонь юбилеентень // Нар. образование  Респ. Мордовия.- 2009.- № 5/6.- С. 214-215.

Бородачев, И. «Пенистые облака» Александра Арапова // Изв. Мордовии.- 2009.- 3 нояб.

Лемозт морайхть нармоттне // Мокша.- 2009.- № 11.- С. 91.

Маторкина, Т. Поэтэсь тешкстызеэсь юбилеензэ // Эрзянь правда.-2009.- 26 нояб.

Маторкина, Т. Эрзянь валдо теште // Эрзянь правда.- 2009.- 5 нояб.

 

Александр Васильевич Арапов: [некролог] // Эрзянь правда.- 2011.- 16 июня.

Александр Васильевич Арапов // Сятко.- 2011.- № 7.- С. 144.

Пиняева, С. Памяти Александра Арапова // Изв. Мордовии.- 2011.- 1 нояб.

 


 

Валдо ойме, лембе седей…

(лецтнема чокшнень молемась)

 

1  ловныцясь: Чевте таркинесэ,

Лембе лушминесэ

Мадезь аштян – велькскам

Ков-бути васов

Шожда теке валнэ,

Ашо пельне уи,

Ашо пельне уи,

Сонсь а соды ков.

 

Косо-бути атякшт,

Атякшт эйсэнь кроить,

Косо-бути кискат

Онгить ды ирныть.

Косо-бути пеель

Оймень кисэ човить,

Косо-бути кисэнь

Варакат сорныть

 

Нардасынь сельведень

Панар ожа песэ:

Ютыть стака шкатне,

Ютыть зярдояк…

Ансяк бу уцяскавт

Улевельть эйкакшон,

Ансяк бу уцяскавт…

Монсь уш кодаяк.

 

 

«Чевте таркинесэ, лембе лушминесэ…»

 

1 ветицясь : «Бути те стихотворениядонть-мородонть башка Александр Арапов мезеяк лия а сёрмадовольдяк, арсеви, сестэяк улевельть сонзэ поэзиянть ламо содыцянзо-вечкицянзо. Пек уш оймень содазь, седеень тантейстэ чавомас, невти неть зярыя строчкатнесэ эрямонть питнейчинзэ, мазычинзэ, моданть лангсо эрьвантень явозь марявикс-неявикс  тарканть…». Неть валтнэ, конатнень  ёвтынзе содавикс журналистэсь Т. С. Баргова, видестэ невтить аволь ансяк вейке стихотворениянть оймензэ, но и весе поэтэнть шкинеманзо.

2 ветицясь:Эрзянь поэзиянь менельсэнть свал палсть  валдо тештть. Истят тешттнестэ вейкесь – Александр Арапов, конань лириканзо содасызь Россиянь томбалеяк. Стихензэ совасть вейсэнь сборникс, конат лиссть Саранск, Самара, С.-Петербург, Москов, Хельсинки, Будапешт, Таллин оштнэсэ.

 

1 ветицясь :Александр  Араповонь  ловныцятне содасызь  седе пек, кода поэтэнть. Аволь стихень вадицянть, но алкуксонь поэтэнть. Сонзэ ламот лемдить эрзянь Есенинэкс. Ды те лемесь седе а ков парсте лади тензэ секс, мекс сонзэ эрьва произведениясь ютавтозь сеедень пачк. Сынь весе чачозь поэтэнть оймесэ, валнозь сонзэ ливезьсэ ды верьсэ, кастозь-кенерстезь превсэнзэ-удемсэнзэ, эждязь седей лембесэнзэ.

2 ловныцясь:Лембе валнэс кецнят эйдекс,-

Ойме сэредьксэсь матры.

Ловтештине пазонть пельде

Витьстэ коморозот пры.

 

Бути сэредят, марясак –

Сонзэ сталмозо ули.

Бути сэредят, марясак

Сельведь ёнов сон моли.

(«Лембе валнэс кецнят эйдекс…»)

 

2  ветицясь: Истя поэтэсь сёрмадсь эсензэ стихотворениясонзо. Ды теньсэ весе сон. Арась вейкеяк произведениязо, кона аволь тока седей, аволь кармавто арсеме эрямодонть, сонзэ смусттенть.

1 ветицясь :Чачсь Александр Васильевич Арапов 1959-це иень сундерьковонь 1-це чистэ Мордовиянь Дубёнка ёнксонь Кенде велесэ учителень семиясоетязо, Василий Павлович (эрзянь ловныцятне содасызь сонзэ «Сяткосо» ёвтнеманзо ды «Аштема ков» пусмонзо коряс), важодсь школань директорокс, а ёвтави   кода кецнесь. Александра Сергеевна нинзэ марто ве тейтерькаст ульнесь, Валя,  ней цёрасояк Пазось казинзе. Сонзэ чачомась эрьва тетянть туртов - теке седейганзо оень вадема: род-племань поладыця чачсь, фамилиянь кандтниця... А уш бути тевсэяк туи цёрась мельганзо - муеви-арась тетянь седе покш кеняркс?

2  ветицясь:Василий Павлович марто Александра Сергеевнань покшоль мелест неемс эйдест эйстэ учитель. Саша вишкинькасто уш кармась кемемаст идеме. Сестэ сынь ютакшность уш эрямо Кобалев (Александра Сергеевна тостонель; Моргасо школань нупальнесэ эрясть, тесэ эсест кудо стявтсть), ды Саша эзь нолдтне кедьстэнзэ книгантьлганзо ютко шкане седе пек ульцясо налксить, сон - библиотекав.

1 ветицясь :Ды эсест кудосояк ульнесь мезе ловномс, ды аволь ансяк книгасто. Эрьва иестэ Араповтне сёрмадстнесть ламо эрьва кодат газетат ды журналт кой-конатнень - велесэ ськамост: «Литературной газета», «Юность», «Пионер»... Сашанучк-пачк ванкшнылинзе-ловнылинзе. Истямо ладсо уш сестэ сон вадрясто кармась содамо И. Бунинэнь, А. Чеховонь, Б. Пастернаконь, М. Цветаевань, А. Ахматовань, А. Межировонь, М. Ку- димовонь, А. Вознесенскоень, Е. Евтушенконь ды ламо лия поэттнэнь ды прозаиктнень шкинемаст. Те - сенде башка, мезе ютасть школань программань коряс: А. Пушкинэнь, М. Лермонтовонь, С. Есенинэнь... Кода ченгиця кургопотмось веши пси шкане симемань явавтома, истя сонзэ оймеськак ловномавтомо теке кармиль пужомо.

2 ветицясь :Прок мезе-бути эзь сатно тензэ... Тардсь... Ды аламонь-аламонь Саша сонськак кармась эсь кудонь библиотеканть сюпалгавтомо. Кодак понгиль Дубёнкав, васняяк капшиль книгань лавкав - ды тов совамонть учозь, седеесь икелепелев уш кармиль тантейстэ нурьгамо...

 

1 ветицясь :Ловнось, арсесь ды яла седе сеедьстэ ды сеедьстэ редякшнось эсензэ мельга, кода ловномсто тунь апак учо ушодыль стихентъ эсь ладсо аравтнеме, валтнэнь таркаст полавтнеме... Ды ков чи, тов сонсензэ кедеськак, шкастонзоа шкастонзо, секе тев кармась конёвпанкс марто карандашс венстневеме - од цёракаень тардиця оймесь сэставтнесь, чадыця ёжомарямотне лоткасть эйзэнзэ кельгемадо. Вешсть чамдома, ушов лисема.

2  ветицясь : Ды окойники сась шка, зярдо сон почкодсь ды лоскадсь седеень токновтыця стихсэ. Поэтэсь ледстни:

«Монень сестэ кемгавтовошка иеть ульнесть. Ульнесь чокшне. Удомась эзь педя. Панжия вальманть - каршон лекстясь тундонь чокшнень  экше, кудопотмонть лепштизе ламарень тантей чине, чопода курот потсо элякалесь цёков - тарадтнэва моронь эрьгть мерят поволесь ; сэнь, косо-бути васоло-васоло, липнесть оланя тештть; теке нурязь, уйсь ожо ковось - кевкстевлимимгак те шкане кияк, наяв весе те мартон, онстон  меревлинь: «А содан». Ды те истя ульнеськак: мон прок иредекшнинь. Седейсэнь ульнесь валдо кецнема, асодавикс талнома, мень-бути учома, лембе зыйть... Натой сельведеньгак лисекшнесть. Марявсь, мон васенцеде неян те пертьпельксэнть, неть тешттнень, кальтнень, ковонть... Теке зярдояк эзия марсе шожда ялткенть пувамонзо, садпиресэ чувттнэнь-куракштнэнь кортнемаст, пире удало лейненть кольнеманзо. Монськак а содан кона шкане кедень штюпасть-варчасть конёв марто карандаш, ды мон сёрмадынь эсь ёжомарямомте конёвонть лангс...».

 

1 ловныцясь :Икеле экше варма сась тей,

Куротнень потс совась кольнеме.

Но сыргозсь вайгель, вайгель гайтев

Ды чокшненть уставась викшнеме.

Кунсолозевсь, нусмакадсь пекшесь,

Сэтьмелгадсь, мик а марят кашторкс.

Таймаскадсь вармась, теке эшкевсь,

Эзь токше лопат - аштесь, каштмольсь...

Моросонть эрясь сэнь менелесь,

Лисьмань седей витиця танстесь.

Стамбарнэ,

апак лексе,

пелезь,

Саизе сонзэ вармась элес

Ды валскень самс пиреванть кандтнесь.

(«Цёковонь моро»)

1 ветицясь : Сестэ саезь стихень сёрмадомась теевсь Саша Араповонь туртовоймень вешемакс, эрямонь мазычикс ды танстекс. Виде, васня тетязо- авазо а пек шнасть те тевенть, ловсть эйсэнзэ конёвонь пацькамокс ды шкань стяко ютавтнемакс. Пельсть, нать: стихтне явсызь цёрастучителень тевенть эйстэ, саласызь лия килангов. Ды сынь алкукскак саласызь, ансяк те карми улеме уш мейле. Зярс жо... Зярс Александра Сергеевна марто Василий Павловичнень савсь мирямс эйдесэст «поэзиянь орманть» марто.

2 ветицясь : Кадык а сеске, ды савсь, мезенть кисэ васня эрявсь марямс тенст  Сашань стихензэ весе масторонь радиова. «Ровесник» передачасонть те ульнесь, 1975-це иень аштемковонь 1-це чистэ.

Секе иестэнть Московсо печатызь васенце стихотворениянзояк. Сон лиссь «Пионер» журналсо «Кораблик» рубрикасонть. Лемезэ «Звезда на небе задрожала».

 

2 ловныцясь:Звезда на небе задрожала,

И до неё достать рукой.

К щеке моей Земля прижалась

Своей прохладною щекой.

И я впервые будто слышу,

Как средь березовых аллей

Так глубоко и сочно свищет

Давно не спавший соловей.

И я впервые будто слышу,

Как, травы тихо шевеля,

Спокойно подо мною дышит Земля.

(«Звезда на небе задрожала…»)

1 ветицясь : Эрзякс васеце  стихотворениянзо Саша сёрмадызе 1976-це иестэ.

Вете сехте вадрятнень (кода марявсь эстензэ) кучинзе «Сятко» журналов, ды  поэзиясо васень кеняркстнэде мейле - васень сельведть апаргалемат. «Сятконь»  теицятнень седеест сонзэ стихтне, нать, эзизь тока. Од поэтэн­тэнтень  сёрмасонзо журналонь прявт нолдыцясь И.А. Калинкин мерсь седе ламо ловномс эрзякс, тонавтнемс келенть... Иень ютазь Саранскойсэ  ульнесь Мордовиянь од сёрмадеень промкс, ков Сашань тердекшнызе эрзянь содавикс поэтэсь П.К. Любаев. Те сон, Павел Кириллович, мелявтыця тетякс лездась тензэ седе парсте чарькодемс эсь стихтнень виев ёнксост ды асатыксэст, анокстамс сынст «Сяткосо» печатамс, косо лисстькак 1979-це иень  2-це номереэнть... Ютыть иеть, ламо иеть, ды весе се паронть кисэ, мезе тейсь тензэ сыре поэтэсь, Саша алты лемезэнзэ сех лембе, токиця валт

1 ловныцясь:Вай, а стяко тон Пикшнясо

Чачить… Тесэ ули смусть:

Эрясь Пушкин – шабрасо.

Ёвтнить – сакшнось веть ды тусь.

 

Тусь, ансяк кортнесь покш мельсэ

Пазонть марто тет-а-тет:

Келя, Пикшнясто «Шинельсэ»

Саранскоев сы поэт.

 

Пал Кирилыч! Чевте седей!

Покш пасиба: тосто сыть,

Венстить одтнэнень эсь кедеть,

Эйсэст даволдо ванстыть.

(«Вай, а стяко тон Пикшнясо…»)

2ветицясь:1977 иестэ сырнень медаль марто прядызе Кобалень средней школанть.

 Поступась  Мордовиянь госуниверситетэнь филологиянь факультетс, седе тов  М. В. Ломоносовонь лемсэ МГУ-нь журналистикань факультетэнть прядомадо мейле (1983)  малав кавто иеть важодсь «Мордовский университет» газетань корреспондентэкс. 1985 иестэ тердизь  «Сятко» журналонь редакцияв. Ульнесь литсотрудникекс (1985-1989).Россиянь Писателень союзонь член (1994).

Ютко шкасто седиль гитарасо, ладсиль морот эсь стихензэ лангс.

(Гайги моро А. В. Араповонь валтнэнь лангс)

1 ветицясь:Шкань ютазь кармась улеме поэзиянь отделэнь прявтокс (1989-2000). Тердизь, нама, аволь апак сода: те шкантень Александр Арапов уш вадрясто невтекшнизе прянзо эрзянь поэзиясояк. Сон чарькодсь, кодамо канст каи лавтовонзо лангс. Бути икеле тардсь-мелявтсь ансяк эсензэ шкинемадонть, ней эрявсь кирдемс вал весе стихтнень кисэ, конат сакшность журналов, ды те кармавтсь кепедемс вешематнень васняяк эсензэ туртов, сёрмадомс истямо кельсэ, мукшномс истят рифмат, образт, гайтъ, конатнеде мейле аволь пеняцямс - меремскак аволь са киньгак пряс: «Монь стихень сялдыть, тонсь...».

2 ветицясь : Арась, поэзиянь отделэнь од прявтось эзь максне тенень тувталт. «Сятконь» автортнэнь сёрмадовксост ванкшноманть-витнеманть юткова сон сёрмалесь эрзякс истят стихть, конат курок явовтызь Мордовиянь книгань издательствань важодийтнень мелесткак, ды сынь педе-педсек нолдазельть башка пусмосо.

1 ветицясь:Поэзиянь васенце пусмозо ды покш кенярксозо «Вайгель» лем ало лиссь 1990 иестэ. Сонзэ стихтнесэ те пусмосонть кеняркст-талномат, арсемат эсь таркадонзо эрямосонть, ютазь иетнеде, чачома веледе,  эрицятнеде, вечкемадо

2 ловныцясь: Велень ульця –

Пиже килейть, кальть…

Пирявкс потсто

Вальмат ёнон ваныть.

Ойме ёжонь ёвтамс арась валт –

Чатьмонян…

Сельведень туемс анокт.

Мелесь- сэрьсэ, сэрьсэ тезэнь прамс –

Луганть лангс, чачома кудом малас, -

Моданть, кона кольневтсь монь токамс –

Чевтьстэ-чевтьстэ кутмордамс ды паламс.

(«Велень ульця – пиже килейть, кальть…»)

 

2 ветицясь :«Вальма»  омбоце пусмось,лиссь  1992-це иестэ.

Вадрят сборникень лемтне, превейть. Смусть эйсэст. Поэтэсь прок яволявты: монь ули эсь вайгелем - вадря-аволь, чевте-казямо, кинень уш кода маряви, ансяк кодамо илязо уле, - сон ули монь, гайги; монь ули эсень  ва л ь м а м, конань эзга ванозь, мон ветян эсь Шкань эрийтнень марто весе неезденть седейшкавань кортамо - ды тень кувалма уцяскаван; мартост вейсэ арсян, талнан, ризнан, кецнян... рян, ды весе тень кисэ - модас сюконян теть, Эрямо!

1 ловныцясь:Шушмотне ванькст, теке одирьвань онт,

Лексить сынь, зярс эзть кенере матрамо.

 

Вайгелем шожда... Кеман яла мон –

Макссь монень пазось часия, ды ламо...

 

Эскелян веле юткова стамбаро.

Эскелян… Вармась алтыця ды чевте.

Килейть, чевгельть седеем каршо арыть,-

Эрьва тарадкесь талновты –кецневти.

 

Манейть, манейть монь валскень арсематне,

Сынст лангсо мейле мон карман ракамо.

Те – мейле… Зярс эзть полавтово шкатне,

Шушмотне зярс эзть кенере матрамо

 

Зярс коштонть эйсэ чине укштор лопань,

Зярс оймесь кекшни оймензэ вармадо.

Макссь монень пазось часия, а сёпан, -

Те шкас эйзэнзэ мон эзинь тонадо.

(«Шушмотне ванькст, теке одирьвань онт...»)

1 ветицясь: Мезе эно нейсь поэтэсь те мирстэнть-масторстонть? Кодат мельть-арсемат ды ёжомарямот чадыть потсонзо? Мезе талновты эйсэнзэ? Ацирьгавты? Мейсэ мелензэ вити? Седеензэ оймавты? Ламо неи поэтэсь, ламодо арсеме кармавты: мезесь вадря те моданть лангсо ды берянесь мезе, эрямонь питнейчитне кодат... Натой, маряви, умоктояк умок содавикстэнть  сёрмады истя - седейс кунды! Сонзэ, ловт, эрьва стихсэнть - смусть покш, домка арсема, кона а свал лангсо; поэтэсь пачти эйзэнзэ аламонь-аламонь, весе сёрмадовксонзо перть...

2 ветицясь: Лирикань героенть мелезэ - «а ёмавтомс, а пултамс вечкеманть стяко», ванстомс - кодат даволт илязт килангс понгоне, ды бути мезесь идесы те пежетев мирэнть-масторонтъ, ютавты поэтэсь арсема, васняяк самай сон идесы, те ине ёжомарямось, ды а стякояк теде кортамось саи А. Араповонь пусмотнесэ сех покш тарка. Поэтэсь а пижни Вечкеманть эрявиксчинзэ ванстомадо, киненьгак а эци эсь мелензэ, сон ансяк полавтни ёвтнема лувонзо тюстнэнь, ды натой се, ки а содасы зярс Вечкемань танстенть ды ризксэнть, чарькодьсы: аволь ансяк Валось - Вечкемаськак кепедтянзат ды валгстанзат, вийть максы ды вийть саи, секс а эряви мартонзо налксемс; аволь ансяк колазь ёжосо савкшны пандомс сеедьстэ тень кисэ, вейсэнь эрямонь ладоськак ламодо ашти тень эйстэ.

 

2 ловныцясь:Кумажазот мон токавтса коням –

Пек чуман икелеть…

Монень виськс…

Вечкевиксэм!

Пильгезэть сюконян:

Простямак апаро мельтнень кис.

Стувтомс тонь?

Седейстэ ёртомс-панемс?

Косто саемс монень истят вийть?

Вием-

Ансяк тонь

Кедь лангсо кантнемс

Ды тонь видьс

Ютнемс а шожда кить.

(«Энялдома»)

2 ветицясь: Поэтэнть «бажамозо» - масторлангонь весе ломантне улезт уцяскавокс, илязт уле лайшиця аватвольть велявтне цёратне армиясто тиринь кудов цинкень кандолазсо.

Ловныцясь : Кепедевсь взводось минек.

                       Кода чиян бойкасто!

Ура! «Яттнэнь» изнинек,

Лексетяно стакасто.

Рудазга кедень кемсэ

Молян, прок сталмо ускан.

«Кодамо вадря, - кецтнян, -

Боесь аволь алкуксонь».

Те шкастонть тосто, тосто –

Минденек одтнэнь, нама, -

Джелалабадсто, Хостсто

Кудов ускить…калмамо.

 

                             Кепедевсь взводось минек...»)

 

1 ветицясь: Александр Араповонь «Вайгель» ды «Вальма» пусмонзо. Тесэ сон панжови тенек эйстэст - кода Поэт ды кода Ломань. Кона эри кодамашты ды сёрмады - кода эри, чансть Пазось кодамо тензэ макссь.

2 ветицясь: Те вайгеленть середьксэнзэ ды кенярксонзо ней вадрясто содасызь рузонь ловныцятнеяк. Васенце стихень пусмонть, кона лиссь 2002 иестэ рузонь кельсэ лемезэ «Взмах». Од сборникентень совасть сонзэ сехте вадря произведениянзо. Те книгась чачсь а сеске. Сонзэ пурнамось мольсь, паряккомсьветеешка  ие, сестэ саезь, кода «Ровесник» передачасонть ловнозель  васенце стихотворениязо. Сехте вадря стихтне, конат совастъ сборникентень, лиснесть вейсэнь пусмосо, паро мельсэ печатакшнось эйсэст «Литературная Россия» газетась. Пек питней эрзянь поэтэнть туртов газетань казнесь 2000 иестэ сон яволявтозель «Литературная Россия»-нь премиянь лауреатокс! Истя Арапов совась масторонь сехте вадря поэттнэнь юткс.

1 ветицясь: «Взмах» пусмось - эсь покш ды вишка родинантень вечкиця цёрань ванькс вечкемадо талновтыця видькстамо: ютазь китнеде-янтнэде ловныцянть марто  седейшкавань кортамо; Россиянть уцяскадонзо ризнэмат-мелявтомат; арсемат седе, мезе савсь печтямс ды марямс-неемс эрямонь килангсонть; сон кепеди пингеде пингень кевкстемат - эрямодо ды куломадо, вечкемадо ды авечкемадо, седеймарямодо ды казямочиде, вадрядо ды берянде... Тень пингестэ седе ламо стихтне - те алкуксонь Мастерэнь сёрмадовкст; Мастерэнь, кона машты валонть танстензэ марямо, эрямонть весеме ёндо нееме, чарькодеме ды панжомо. Натой се, мезентень, маряви, мельгак а эряви явомс - истямо сон вишкине эли умок уш содавикс ды стака редямс уш эйстэнзэ мезеяк од, А. Араповонь кедьало саи истят тюст, конат сеске покшолгавтсызь-цитневтьсызь, те вишкинесь сти икелеть отьма космосокс, кода, мертяно, «Август» стихотворениясонть:

1 ловныцясь: И зарей, и молчаньем лесов,

И духмянной крынкою мёда,

И поляною белых грибов

Поделилась природа со мной

 

Подарила глоток тишины

И орешник с вечерней прохладой,

И короткие грустные сны

Под оранжевый свист звездопада.

Просыпаюсь и так хорошо

Среди клёкота,

стрёкота,

свиста.

На душе, словно в поле, свежо

И так ясно, так нежно, так чисто…

(«Август»)

 

2 ветицясь :Ловнотанок  ды марятанок, кода седеентень салава ладсо сови а чарькодевикс талнома. Кеняркс, таколдома, таго-мень учома...

1 ветицясь: Тень кондят ёжомарямот сыргавтыть Александр Араповонь лия стихензэяк: «Звезда на небе задрожала...», «Есть таинственная сила...», «Выйти и замереть перед бездной небесной...», «Одиноки и печальны на закате купола...», «Восьмое марта» ды лият. «Августонть» ладсо, сынь отьмакс домкат, гайгицят ды седейс токицят.

2 ветицясь:Александр Арапов  сонськак видьксты: мон, келя, ламосаинь  С. Есенинэнь, Б. Пастернаконь, Н. Гумилёвонь, Е. Евтушенконь, А. Ах матовань, А. Твардовскиень пельде.

1 ветицясь:  Натой сэнь сельме мазыйкань образонть, кона аволь весть моразь Россиянь литературасо, А. Арапов «максы» эсензэ ладсо. Сонгак невти (ды невти покш ёрокчи марто, седей токазь!) вечкевиксэнзэ мазычинть, ансяк ве текень лангс эзь лотка; те мазычиденть талновтыця ёвтнемастонть сон валанясто юты ломанень оймеде кортамонтень. Поэтэсь карды вечкемань отьматнес прянь-полдань синдезь чопавтнедематнеде, васень вастовомсто уш палсематнеде-кутморямотнеде, кода сеедьстэ тейнить неень од ломантне: а эрьвась, корты сон, содави весть варштамсто, маняват - ды мейле пингень перть кармат янксеме ды майсеме.

2 ловныцясь: Ты доверишься мне впопыхах

И раскаешься, честное слово,

Знаешь, милая, с синью в глазах,

Ты меня приняла за другого...

Ты опомнишься после, поймешь…

И проклятия вслед мне пошлешь,

И маетою той же отплатишь

(«Ты доверишься мне впопыхах...»)

2 ветицясь: Те кортамонть поэтэсь полады вечкемадо лия стихсэнзэяк: «Утрооря бормотанье...», «Перед зеркалом долго стоял...», «Она будет долго и зло одеваться...», «Нет у меня слов...», «У поезда окна печальны». Сынь пешкесеть ломанень оймень ды обуцянь асатыкстнэнь кувалма мелявтомасо ды майсемасо, секскак келесь эйсэст нусманя ды ризныця. Ды овсе лиякс гайги сон произведениятнесэ, конат морыть  ломань ютксо сюлмотнень мазычинть ды ваньксчинть, гайгить вечкемантень морокс-гимнакс: «...И щека прикоснётся к щеке…»Друзья! Как сочен день...», «И опять приснился август...», «В твоём прекрасном молодом челе...».

1 ветицясь: Од валт ды образт - мелень явовтыцят ды валдт, домкат - Александр Арапов мукшны «поэт ды поэзия» темантень алтазь произведениясонзояк. Кода содазь, рузонь поэзиясонть те темась саи редявикс тарка. «Взмах» сборниксэнзэ эрзянь поэтэсь арси эсензэ шкинемадонть, терявтни чарькодемс лезэнзэ ды эрявиксчинзэ, секе тев талны-кавтолды, седе-аволь ды истя-аволь сёрмады, ды, паряк, самай те лезды тензэ сёрмалемс истят мазый стихть, конат, теке марто, невтить, кода мольсть художествань вешнеманзо поэзиясо васень эскельксстэнзэ саезь течинь чис. Сон невти: кода эрзянь кельсэ, истя рузонь кельсэяк, поэтэнть шкинемазо канды художествань-эстетикань мазычи, нравственной домка смусть, сон кемевти Россиянь национальной вельмемантень.

2 ветицясь:  2000-це иестэ саезь «Сятко» журналонь прявт нолдыця. Тесэ важодемась саи ламо шкаенярдовты сехте пек - журналсо панжовить од лемть. Сынь аволь ансяк эсенек Карго Масторсто - Мордовиясто, - пачкодить тиринь ёнксонок эйстэ васоло ёнкстнэстэ, косо эри минек раськесь.Секс а содыяк сонзэ прявтнолдыцясь сэтьме эрямо - журналонь тевтне перевсэнзэ. Сон, теде башка, ламо лезды  од сёрмадейтнень, ялганстэнь од книгань анокстамосо-нолдамосо. А зяро поэтэнь стихть ютавтсь эрзянь кельс! Теньсэ, нама, сон путсь питне лия сёрмадыцятненень ды теке марто келейгавтсь эрзянь поэзиянь васолкстнэнь.

1 ветицясь: «Литературной Россиянь» казнеденть мейле Александр Васильевич Араповонь шкинемантень алкуксонь питне путсть эсенек республикасояк. 2003-це иень якшамковсто тензэ максозь Мордовиянь заслуженной поэтэнь лемесь!

2 ветицясь: Икелень ушодозь кортамонть А. Арапов полады «Мейле» пусмосонть, кона лиссь Мордовиянь книгань издательствасо 2006 иестэ. Тесэ истя жо Есенинэнь нусманя-кенярксов вайгелезэ. Пусмось панжови «Ашо пельне уи, сонсь а соды ков…» стихотворениясонть, конань эйсэ панжинек минек вастовоманть. Те пусмосонть поэтэсь вети талновтыця кортамо Шкадонть, Эрямодонть ды Эсь прядонть, конань экшсэ, нама, чарькодеви эсь шкань ломанень пурназь образгак.

1 ловныцясь: Кодак куроксто тикшесь кассь,

Ливти пиземетнень вастомо!

Цецятне пужсть,

Цецятне комасть.

 

Полавтовсь, кежиявтсь вармась,

Менельстэнть кельместэ ведесь петни.

Эзь марявт, кода кувалгадсть,

Кода тустолгадсть сёксень ветне.

 

Сырнесэ моданть пой кази.

Каргт исяк ливтясть…

Минь неинек…

Ды ансяк вечкеманок минек

Кадовсь, кодамо ульнесь, пси.

(«Кодак куроксто тикшесь кассь»)

1 ветицясь:2010-це иенть прядовомсто Мордовиянь заслуженной поэтэнть Александр Араповонь лиссь стихень од пусмозо. Икелень пусмонзо ладсо («Вайгель», «Вальма», «Взмах», «Мейле»), поэтэсь лемдизе сонзэ нурькинестэ: «Жест». Нурька лемесь, ды домкат — тагояк — стихтнесэ арсематне, валанят чудевксэст ды мазыйть кодавксост. Зярыя валсо поэтэсь машты эрямонть питнейчинзэ ды мазычинзэ невтеме, ломаненть потмоёжонзо панжомо, кона отьма-космосонть кондямо покш ды келей, ськамонзо касыця тикшиненть кондямо човине ды тардиця...

2 ловныцясь: Монь седеем… Сон ульнесь келес панжозь,

Прок кеншк: совак, кие кельмесь, эжнек.

Весть вейке инже сась, пертьпельга ваннозь,

Ды кадовсь. Сон мелезэнь тукшнось пек.

 

Кавтов мелявкстнэ – истя минь эринек.

Кавтов кеняркстнэ – тевтне парсте тусть.

Кода минь вейке-вейкень лангс кеминек!

Но весть монь инжесь лия седей мусь.

 

Монь седеенть, а содан мезень кисэ,

Саизе ды ёртызе палакс потс.

Кода пижнесь седеем, зярдо пицевсь!

Арсинь, сась пе, а вельмевти одс.

Стинь стамбаро, зярдо тень ойме вельмесь,

Прок васенцеде пертьпельга варштынь.

Монь седеем… Сон марявсь, теке кельмесь

Нать, кувать сонзэ панжадо кирдинь.

Седейде моро»)

 

2 ветицясь: Истямо пусмозо поэтэнть зярс арасель. Теде икеле сынь ульнесть эли эрзякс (колмотне) эли рузкс (вейкесь). «Жест» пусмось теезь човор: пелест стихтне рузонь кельсэ, пелест — эрзянь кельсэ.

1 ветицясь: Эрзянь весе поэттнэ, конат важодсть газетасо ды журналсо, терявтнесть сёрмалемс публицистикань жанрасояк. Стака те тевесь, аволь эрьванень кандови-цидярдови, седеяк поэтэнь ойме марто ломатненень. Александр Араповнень сон аволь цидярдовсь, публицистикась теевсь тензэ шкинемань омбоце тевекс, мельспарокс, танстекс. Тенень ушодксонть сон путызе оштё ламо тиражонь газетасо важодемстэнзэ. Но Арапов журналистэнть чачомась кандови «Сятко» журналонь редакцияв важодеме поэтэнть самонзо шкантень.

2 ветицясь: Кинень кодамо уцяска Пазось максни. Поэтнэнь ды творческой лия ломантнень сон эрси а шождакс. Бажат улемс лишме лангсо, сэтьме эрямонть стувтык ды зярдояк иля максо седееентень оймамс. Поэтэсь сестэ поэт, зярдо седейсэнзэ зярдояк а мадни се самай сяткинесь, конань валдонзо ало чачитькак стихне. Араповонь седейсэ сон палсь толбандя ладсо…

1 ветицясь:  Кулось Александр Арапов 2011-це иень июнень 14-це чистэ. Весемезэ эрясь 51 ие. Тоначив тусь покш Поэт, васняяк Эрзянь поэт, куш Александр Васильевич парсте сёрмадсь рузксак. Минек раськень литературасонть сонзэ ульнесь эсь тарказо, кона пек сереель ды  кона ней чаво…

2 ветицясь: Кортыть поэттнэ а кулсить, ашо нармунькс кепсетевить менельс. Вайгелест ды оймеёжост кадовить масторлангс, эрить-марявить стихсэст. Свалшкас кадови Александр Араповонь а мадиця валдозо, вадрядо вадря поэзиязо, седей лембезэ…

1 ловныцясь:А шкастонзо поэттнэ кулыть,

Прядовить пингест а шкасто.

Сынь ченгить ютксонок-палыть,

Штатолокс палыть эрямсто.

 

Седейризксэнь а онкстамс сталмонть,

А муевить эрявикс валт…

Поэзиянть а кекшсак калмос,

А мадстеви трокс ды кувалт.

 

Эзинь саво ялакс калмамот.

Эзинь сода кувать, ялакс.

Тондеть башка кадовсь аламо,

Кить лововить монеь ялгакс!

                                                                               

Гитарат а нолды вайгель,

Седеень морот а гайги.

Келенек а мереви айгемс!

Поэзият тенень терди.

 

Тонь стихеть эрить минек марто,

Свалшкань валдо тенек казить.

Ды вечкевикс журналось «Сятко»

Тонь пельде оякс кадови

(Осипов А. Г. (Дригань Толай) «Седейксэнь а онкстави сталмось…»)

 

 

Александр  Васильевич Араповонь эрямонзо ды шкинеманзо коряс рекомендательной спискась

 

А. В. Араповонь произведениянзо художественной литературасо

башка изданият

эрзянь кельсэ :

 

Вайгель: стихть.- Саранск: Мордовской книжной издательствась, 1990.- 80с.

Вальма: стихть.- Саранск: Мордовской книжной издательствась, 1992.- 64с.

Мейле: стихть.- Саранск: Мордовской книжной издательствась, 2006.- 264 с.

 

Периодической изданиясо ды коллективной сборниксэ публикациятне

эрзянь кельсэ

 

Сырнесэ моданть пой кази…: Эрзянь кель; Чачома веле…; Иляст сода война зярдояк; Каргт ливтить;  Ильтямо [и др.]: стихть // Маней васолкст: стихотвореният.-Саранск, 1987.- С.73-87.

Ангелэнь чи; Микитыч: мизолкст // Сятко.-1995.-№2.- С.136-139.

Инже: ёвтнема // Сятко.-1996.- №1/2.- С.90-91.

Экзаменсэ;  Недлячистэ; Миллионерт; Содавикс ломань; Панго мельга: ёвтнемат // Сятко.-1996.- № 5/6.- С.44-54.

Атят-бабат; Кавто букват; Васенцеде ЗАГС-с; Пангт - а содавикс лангт: ёвтнемат // Сятко. - 1997. - №1/2.- С.125-130.

Каштан Сега: ёвтнема // Сятко.-1997.- №11.- С.131-134.

Лутазь «теште»: ёвтнема // Сятко.-1997.- №12.- С. 131-134.

«Тонавтомак, тетяй, чатьмонеме…»: «Зярдо ськамот…»; Сёксень виренть чатьмонемась валдо…»; Мезе кадынь мон тезэнь, а содан…; Мон эзинь эря, он мон неинь…; Кандтнинь кемема потсом салавине [и др.]: [стихть] // Сятко.- 2004.- № 4.- С. 24-31.

«Шожда, теке валнэ, ашо пельне уи»…: Чевте таркинесэ…; Седейде моро; Кельме теште; Мазый теште…; Пегакснить галат! Пегакснить галат!... [и др.]: стихть // Cятко.- 2005.- № 7/8.- С. 122-140.

«Эрзянь ойметнень ёнов седей чиртян…»: Валтнэ ёзавсть ды човсевсть…; Аштят веле песэ, теке нецяй…; Кода понгсь менеленть черькстни…; Верень потиця…; Монь сэтьме вайгелем…[и др.]: стихть // Сятко.- 2007.- № 10.- С. 22-27.

«Ды муят вийть те эрямонть вечкемс…»: «Налдамизь!» - вешсть…; «Зярдо келемтян кедеть…»; Чеки, крёстни конянзо…; Ломанть вастат…; Киртят сэреть… [и др.]: стихть // Сятко.- 2008.- № 9.- С. 60-69.

«Седяк, гитарам! Вейсэтяно минь! …»: стихть // Сятко.-2008.- № 2.- С. 42-49.

«Афганистансто азрдыть цёратне…»: Велявтоми; «Кепедевсь взводось минек…»; «Авазо, цёрат вастт!…»: [стихть] // Сятко.- 2011.- № 2.- № 2.- С. 58-60.

«Кандтнинь  кемема потсон салавине…»: «Одксчись певтеме марявсь…»; «Пиже зорят минь стякшнынек…»; «Нусманя сёксень морось, валдо…»; «Менелесь стака, потмура, прок кольсь…!»; «Кодамо тарьксэв сёксень чись!…» [и др.]: стихть // Сятко.- 2012.- № 11.- С. 19-23.

 

башкаизданият

рузонь кельсэ :

Взмах: стихи.- Саранск: Мордов. кн. изд-во, 2001.- 112 с.

Жест: стихи.- Саранск: Книга, 2010.- 256 с.

Избранные произведения. Очерки. Воспоминания о поэте [электронный ресурс]  / рук. проекта А. М. Доронин; ред.- сост. А. Громыхин, Н. Ишуткин.- Электрон. текстовые дан.- [б. м.: б.и.], 2012.- эл. опт. диск.

 

 

Периодической изданиясо ды коллективной сборниксэпубликацииятне

рузонь кельсэ :

 

А у нас такая вот забота; Я помню - если перейти на шаг; Друзья, как сочен день: стихи // Горизонт: лит.- худож. сб. / сост.: А. А. Долгачев, Н. М. Мирская.- Саранск, 1987.- С. 63-64.

Вторые сутки над страной...; Проводы; На Родине; Дождь / пер. Р. Романова: стихи // Середина земли родной: сб. стихотворений молодых поэтов / сост. М. Акчурин. - М., 1987. - С. 256-260.

Звезда на небе задрожалауду жить и добро наживать; Роль; Бег; Паренье [ и др.] // Гостеприимная земля: стихотворения: сборник.- Саранск, 1988.- С. 6-24.

...Я в гости приду к дяде Васе вечерней порою; Как птица от боли...; Тяжко было - богу не молился; «И мальчик из детства приснится ей искренний»: стихи // Откровение: лит.- худож. сб. / сост.: В. С. Ионова, Н. М. Мирская.- Саранск, 1988.- С. 197-199.

Не вернулся Анисим с войны; Год 1937-й; ...Приказывали: расстреливали «врагов народа»; В Мордовии зимы - русские; «Избу крепкую срубили» [и др.]: стихи // Калейдоскоп: стихи и поэмы: сборник / ред.- сост. К. Смородин.- Саранск, 1989.- С. 105-108.

Проснется - целовать; Обездоленность, несчастность; Мама вновь до рассвета встает: стихи // Созвездие: лит.- худож. сб. / сост. В. С. Ионова.- Саранск, 1990.- С. 117-118.

Господи, все нам зачтется; Я не знаю еще, как живу; И в тридцать в облаках витать; И щека прикоснется к щеке; И поставит пуля точку: стихи // Восхождение: лит.- худож. сб. / сост.: В. С. Ионова, Н. М. Мирская.- Саранск, 1993.- С. 83-86.

Птица: стихи // Странник.-1996.- №1.- С. 129-131.

Не вернулся Иван; Игры судьбы; Образ сберегу; Мое счастье; Человеческая осень: стихи / пер. с мордов.- эрзя  И. Деордиева  // От Урала до Невы: сборник.- Челябинск, 2001.- С.460 - 461.

«Летит судьба уже без страха…»: стихи // Странник.- 2004.- № 2.- С.236- 241.

Сокол в клетке: стихотворения // Корни: лит.- худож. альм. / ред.- сост. В. А. Федосеев.- Саранск, 2007.- С. 36-41.

Я пою как живу…: [стихи] // Странник.- 2011.- № 6.- С. 83-91.

 

Публицистикась

«Эрьмезень» сёрмадыцянтень сюконямо // Сятко.-1994.- №10/11.- С.11.

 «Оймем ваксс сельведне петни…»: Евгений Иванович Агеевень чачома чистэнзе 80 иетненень // Сятко.-2002.- № 1.- С. 94-102.

Ниле портретт: зарисовкат // Сятко.- 2007.- №9.- С.108-137.- Содержаниясонть: «Оймем ваксс сельведне петни…»: [Е. Агеев поэтнть эйстэ]; Стувтозь вайгель: [М. И. Грызунов писателенть эйстэ]; Кодамо танстезе менеленть?…: [П. Ф. Горбунов художникенть эйстэ]; Тешкс- тешкскине-таташкине…: [Россиянь художникень сонзонь членэть Н. И. Мастинэнь эйстэ].

«Симан домка лисьмапрясто…»: очерк: А. С. Кизяевде // Сятко.- 2007.- № 8.- С. 112-124.

«Оймем ваксс сельведне петни…»: Евгений Иванович Агеевень чачома чистэнзе 90 иетненень // Сятко.-2012.- № 1.- С. 71-76.

 

Эрямодо ды шкинемадо литературась

Башка важодевкст. Башка кевкстемат эрямодо ды шкинемадо

 

Петрухин, В. Океаны взметнувшихся чувств // Сов. Мордовия.-1990.-25 янв.

Баргова, Т. Келей ки теть, поэт! // Эрзянь правда.-1991.- 6 апр.

Горбунов, Г. И.  Арсемат неень поэзиядо // Горбунов, Г. И. Вастомат: литературно-критической статьят. - Саранск, 1993.- С. 135-161.

С. 152-153: о творчестве А. Арапова.

Александр Васильевич Арапов // Ваймонь лихтибрят: «Мокшеть» и «Якстерь тяштенять» книгасна.- Саранск, 1994.- С.15.

Зиновьев, Н. Тештень пиземе: (Вал од поэтнэде) // Зиновьев, Н. Валдо тештень пусмо: очеркть.- Саранск, 1996.- С. 178-182.

Теке жо // Эрзянь правда.-1997.-1 марта.

«Ава лайши баня кудыкеле» // Эрзянь правда.- 1997.- 20 февр.

Валтнэнь сувтни чова сувтемсэ: минек эрзянь цератне // Эрзянь правда. -1997.-15 февр.

Доронина, Т.  ... Валдо, теке эйкакшпингень он // Сятко.-1997.- №6.- С. 63-70.

Арапов Александр Васильевич // История Мордовии в лицах: биогр. сб. / отв. ред. П. Д. Грузнов. - Саранск, 1999.- Кн.3.- С. 15.- (Тр. / НИИЯЛИЭ при Правительстве РМ; Вып. 115. Сер. ист.).

Баргова, Т. С. Сюкпря ойметь, чарькодемат кисэ // Эрзянь правда.- 2000.- 26 окт.

*Лауреаты еженедельника «Литературная Россия» за 2000 год: Александр Арапов - за плодотворные поиски в русско-эрзянской поэзии // Лит. Россия.- 2000.- 29 дек.

Щанкина, Р. «Ава лайши баня кудыкеле…»: [тееви анализ А. Араповонь стихотворениянзо] // Сятко.- 2000.- № 2.- С.77-79.

Арапов Александр Васильевич (1959) // Эрзямонь вайгель: эрзя-мокшонь литературань антология.- Саранск, 2001.- С. 72-73.

Моисеев, М. Поэтсь арась лауреатокс: [«Литературная Россия» газетань лауреатть А. Араповонь колга] // Мокшень правда.-2001.- 23 янв.

Снег в России грустный-грустный…: [интервью с поэтом, лауреатом «Литературной России» за 2000-й год / записала Т. Кириченко]  // Изв. Мордовии.-2001.- 17 янв.

Каторова, А.  Поэзиясь [А. Араповонь, В. Федосеевонь, В. Юдинать. Костяйкинонь, Л. Дергачевать поэзияснон колга] // Мокша.- 2002.- № 2/3.- С. 117-125.

Дёмин, В. «Мон моран морот сорныця вайгельсэ…» // Сятко.- 2003.- № 4.- С. 92-120.

Зиновьев, Н. В. Арапов Александр Васильевич // Мордовия: энциклопедия: в 2 т.- Саранск, 2003.- Т. 1.- С. 125.

То же // Мордовиясь: энциклопедия: кафта томса.- Саранск, 2007.- 1-це томсь.- С. 104.

То же // Мордовиясь: энциклопедия: кавто томсо.- Саранск, 2007.- 1-це томось.- С. 104.

Зиновьев, Н. Поэзиянь валдо вальма…: очерк // Эрзянь правда.-2003.- 20 февр.

Каторова, А. М. Художественное своеобразие лирики Александра Арапова // Филологические иссследования. 2002: межвуз. сб. науч. тр. по актуал. проблемам литературоведения и языкознания / МГУ им. Н. П. Огарева; отв. ред. О. Е. Осовский.- Саранск, 2003.- С. 34-38.

Смородин, К. В Мордовии зимы - русские // Лит. Россия.- 2003.- 21 февр.(№7).- С. 6.

То же // Странник.-2011.- № 6.- С. 92-97.

Арапов Александр Васильевич (1959) // Писатели Мордовии: биогр. справ. / сост.: Е. М. Голубчик, Т. С. Баргова.- Саранск, 2004.- С. 29-30.

 *Жиндеева, Е. А. Традиции  Ф. И. Тютчева в творчестве современного мордовского поэта А. Арапова // Актуальные проблемы межкультурных и межязыковых контактов: материалы науч.- практ. конф., посвящ. 90-летию со дня рождения проф. Н. Т. Пенгитова (Йошкар - Ола) / МГПИ им. Н. К. Крупской;  сост. и отв. ред.  А. Н. Куклин. - Йошкар - Ола, 2004.- С.115-117.

  Каторова, А. Коень поладома: Борис Пастернаконь «Гамлет» ды Александр Араповонь «Роль» стихотворениятнень малавиксчист ды явовомаст // Сятко.- 2004.- № 6.- С. 98-103.

  Шугуров, Н. Стихензэ гайгить Россиянь поэттнэнь ютксо // Эрзянь правда.- 2004.- 1 апр.

Дёмин, В. И.  «Мон моран морот сорныця вайгельсэ…» // Дёмин, В. И. Сюконян тенк…: эрзянь писательде ёвтнемат.- Саранск, 2005.- С. 160-180.

Теке жо // Демин, В. Сёрмадан эйстэнк, тиринь ломанть вечкезь… .- Саранск, 2010.- С. 4-32.

  Нам не простят наивной простоты: [беседа с поэтом / записал В. В. Огрызко] // Лит. Россия.- 2005.- 23 сент.(№ 38).- С.16.

Баргова, Т. Паро, ули истямо поэт… // Арапов, А. Мейле: стихть.- Саранск, 2006.- С. 5-6.

Теке жо // Сятко.- 2007.- № 4.- С. 117-118.

Доронин, А. Два поэта - два восприятия?: [об А. Арапове и В.Федосееве] / А. Доронин, Я. Лаутеншлегер // Отчий дом: лит.- худож. алм. / ред.- сост. В. А. Федосеев.- Саранск, 2006.- С. 224-235.

Каторова,  А. Ладси стихть поэтэсь...: А. Араповонь лирикадонть од вал // Сятко.- 2006.- № 6.- С. 104-109.

Каторова, А. М. Строфический репертуар лирики А. Арапова: некоторые наблюдения // Бочкаревские чтения : материалы XXX зон. конф. молодых литературоведов Поволжья (6-8 апр. 2006 г.).- Самара, 2006.- Т. 1.- С. 273-283.

Дёмкина, Э. Традиции Сергея Есенина в творчестве Александра Арапова // Корни: лит.- худож. альм.- Саранск, 2007.- С. 287-292.

Баргова, Т. С. Литература на разных языках и авторы // Баргова Т. С. Книжный мир Мордовии.- Саранск, 2008.- С. 152-169.

С. 164-169: о творчестве  А. Арапова.

Дёмкина, Э. Коень поладома: С. Есенинэнь ды А. Араповонь лирикаст малавиксчись // Сятко.- 2008.- № 4.- С. 93-105.

Каторова, А. «Ашо» стихсэ мон сёрмадан…: эрзянь поэзиясо верлибрась // Сятко.- 2008.- № 7.- С. 92-95.

Каторова, А. Кавто поэтэнь кавто стихть: мезес тонавты ванкшномаст  / А. Каторова, М. Панькина // Сятко.- 2008.- № 2.- С. 91-95.

А. В. Араповонь 50 иень топодемантень:

А. В. Араповонь юбилеентень // Нар. образование  Респ. Мордовия.- 2009.- № 5/6.- С. 214-215.

Бородачев, И. «Пенистые облака» Александра Арапова // Изв. Мордовии.- 2009.- 3 нояб.

Лемозт морайхть нармоттне // Мокша.- 2009.- № 11.- С. 91.

Маторкина, Т. Поэтэсь тешкстызеэсь юбилеензэ // Эрзянь правда.-2009.- 26 нояб.

Маторкина, Т. Эрзянь валдо теште // Эрзянь правда.- 2009.- 5 нояб.

***

Зиновьев, Н. В. Арапов Александр Васильевич / Н. В. Зиновьев, В. И. Демин // Мордовия, XX век: культурная элита: энцикл. справ.: в 2 ч. /  НИИГН при Правительстве РМ.- Саранск, 2010.-  Ч.1.- С. 33.

Покш поэтэнть, ялганть ледстнемга // Сятко. – 2011.- № 11.- С. 34-50.- Содержаниясонть: Астувтовикс валрисьметь пезнасть седеезэнь… / Д. Таганов.- С. 35-37; «Моронзо мартонок саинек…» / О. Ерина, Джак Рютер.- С. 38; Седейризксэнь а онкстави сталмось… / Дригань Толай.- С. 39; Поэтэнть эряви ловномс / Т. Баргова.- С.40-47; «Тушендыхть поэттне акша коволокс»: стихть Александр Араповти Поэтти и Ломанти.- С.48; «Ашо пельне уи, сонсь а соды ков…»: вал Александр Араповдо / В. Лобанов.- С. 49-50.

Баргова, Т. Свал карми мартонок // Эрзянь правда.- 2011.- 22 дек.

Баргова, Т. Стихи приоткрывают дверь… // Странник.- 2011.- №6.- С. 98-103.

Лобанов, В. Акша ковол уи, аф содасы ков… // Мокша.- 2011.- № 8.- С. 80-81.

Палькина, Т. Н. Способы моделирования художественного времени в поэзии Александра Арапова // Философская лирика Мордовии конца XX - начала XXI века: монография.- Саранск, 2011.- С. 30-39.

Горина, Н.  Н. Моделирование урока сопряженного изучения поэзии С. Есенина и А. Арапова в старших классах / Н. Н. Горина, Т. В. Мардаева // Интеграция науки и культуры в образовательное пространство: молодежный взгляд: материалы регион. науч.- практ. конф. (г. Саранск, 20 дек. 2011 г.).- Саранск, 2012.- С. 74-77.

Демин, В. И. Ульнесь аволь ансяк поэтэкс …: А. В. Арапов - журналист / В. Демин, А. Чиндяскина // Сятко.- 2012.- № 1.- С. 79-89.

Каторова, А. М. Основные  направления развития мордовской литературы в начале XXI века // Вестн. НИИ гуманитар. наук при Правительстве  Респ. Мордовия.- 2013.- № 1.- С. 122-131.

С. 123-126: о творчестве А. Арапова.

Степин, С. Н. Основные тенденции развития лирики в современной поэзии Мордовии: (жанровый аспект).- Саранск: [б. и.]. - 2013.- 172 c.

С. 146-148: о творчестве А. Арапова. 

***

Александр Васильевич Арапов: [некролог] // Эрзянь правда.- 2011.- 16 июня.

Александр Васильевич Арапов // Сятко.- 2011.- № 7.- С. 144.

Пиняева, С. Памяти Александра Арапова // Изв. Мордовии.- 2011.- 1 нояб.

Башкапроизведениятнеде ды  сборниктнеде литературась

 

Вальма: стихть (1992)

Зиновьев, Н. Валдо вальма // Эрзянь правда.-1992.- 9 июля.

«Окно» поэта // Сов. Мордовия.-1992.-30 июня.

Взмах: стихи (2001)

Щанкина, Р. «Оймесь анок сезневемс панксонь - панкс…» // Эрзянь правда.- 2002.- 29 янв.

Демин, В. Убедительный взмах // Мордовия – 7 дней.- 2002.- 16-22 янв.(№ 3).- С. 10.

Демин, В. И. Взмах поэтических крыльев  // Лит. Россия.- 2002.- 1 февр.- С. 6.

Преснякова, Л. «Нам ничего на свете не простится…» // Изв. Мордовии.- 2002.- 24 янв.

Смородин, К. «Со своею душою согласный…» // Мордовия.- 7 дней.- 2003.- 5-11 февр. (№ 6).- С. 13.

Мейле: стихть (2006)

Демин, В. «Верепаз! Макст монень вий…»: Александр Араповонь «Мейле» пусмодонзо тешкст // Сятко.- 2007.- № 6.- С. 91-101.

Жест: стихи (2010)

Демин, В. Тен - сонзэ канстось, сонсь кочкизе, сонсь…: Александр Араповонь стихень од пусмодонзо вал // Сятко.- 2011.- № 1.- С. 102-115.

                                          Библиографиясь

 

Брыжинский, А. И. Арапов Александр Васильевич (1959) / А. И. Брыжинский, О. В. Пашутина, Е. И.Чернов // Брыжинский, А. И. Писатели Мордовии: библиогр. справ. / А. И. Брыжинский, О. В. Пашутина, Е. И. Чернов.- Саранск, 2001.- С. 72-74.


 

 
 

[на начало] [на главную]конец